Mutual Funds & Shares Differences – மியூச்சுவல் ஃபண்ட்ஸ் & பங்குகள் வேறுபாடுகள்

மியூச்சுவல் ஃபண்ட்ஸ் & பங்குகள் இடையேயுள்ள வேறுபாடுகள் :

பங்குகளில் நாம் நேரடியாக முதலீடு செய்வது என்பது ஒப்பீட்டளவில் அதிய அபாயம் கொண்டது. நிறுவனம் மற்றும் அது சார்ந்த துறையை ஆராய்ந்து பார்த்த பின்பே அதன் பங்குகளை வாங்க வேண்டும். அவ்வாறு வாங்கிய பங்கின் செயல்திறனையும் நாம் கண்காணிக்க வேண்டியிருக்கும்.

பங்குச் சந்தையில் பட்டியலிடப்பட்டுள்ள ஆயிரக்கணக்கான நிறுவனங்களில் இருந்து ஒருசில நிறுவனங்களை தேர்ந்தெடுப்பது என்பது பெரும் பணி.

எனவே நல்ல நிறுவனங்களின் பங்குகளில் நேரடியாக முதலீட்டை மேற்கொள்வதற்கு பதிலாக மியூச்சுவல் ஃபண்ட் மூலம் அவற்றில் முதலீடு செய்து, நமது முதலீட்டை பெருக்கிக் கொள்ளலாம்.

மியூச்சுவல் ஃபண்ட் முதலீட்டு திட்டத்தில் மியூச்சுவல் ஃபண்ட்ஸில் நிபுணத்துவம் வாய்ந்த ஃபண்ட் மேனேஜர்கள் பங்குகளைத் தேர்ந்தெடுப்பார்கள்.

மியூச்சுவல் ஃபண்டின் செயல் திறனை மட்டும் நாம் கண்காணித்தால் போதும், மியூச்சுவல் ஃபண்டில் உள்ள தனித்தனி பங்குகளை நாம் கண்காணிக்க வேண்டியதில்லை.

மியூச்சுவல் ஃபண்ட் முதலீட்டு திட்டத்தில் Growth / Dividend   தேர்வுகள், Top Up, Systematic Withdrawal Plan / Systematic Transfer Plan  போன்ற முதலீட்டு நெகிழ்வுதன்மைகள் உண்டு. இந்த நெகிழ்வுத்தன்மைகள் பங்கு முதலீட்டில் கிடைக்காது.

மேலும், SIP - முறையில் சிறு தொகையை முதலீடு செய்வதன் மூலம் பங்கு சந்தையில் ஏற்படும் ஏற்ற இறக்கங்களைச் சமாளித்து கொள்ளலாம்.